Reiðleiðir

Þónokkuð er um skipulagðar hestaferðir um Fjallabakssvæðið, þar sem Landmannalaugar eru einn viðkomustaða. 
Þeir sem ekki eru í slíkum hópi, eiga líka kost á reiðtúr.  Á staðnum er rekin útreiðarþjónusta:

Hraunhestar.  Boðið er upp á reiðtúra með leiðsögn um nokkur tilkomumestu svæða í kringum Landmannalaugar.  Hægt er að velja á milli eins, tveggja og þriggja tíma ferða.  Jafnvel er hægt að fara með hóp í dagsferð.  Panta skal ferðirnar með nokkrum fyrirvara.

Hjólreiðar

Aðeins skal hjóla þar sem bílar mega keyra. 
Yfirleitt eru allar aðkomuleiðir að Landmannalaugum erfiðar fyrir reiðhjólafólk, en nálægustu vegirnir eru harðir og vel nothæfir. 
Styttri túrar geta semsagt verið skemmtilegir en fyrir minni hjólreiðagarpa er æskilegra að nota áætlunarrútuna til langferða.  Hún getur flutt reiðhjól.