Lesefni-Books about Iceland

Ari Tausti Guðmundsson, 2001.
Íslenskar eldstöðvar.

Rosalega flott bók með nýjasta nýtt úr kenningaheimi jarðfræðinnar. Reynt er að gera hinum flóknu fræðum skil á mannamáli. Töflur og skýringarmyndir hjálpa til og ljósmyndirnar eru glæsilegar.

Einn kaflinn (15 blaðsíður) fjallar um Torfajökulskerfið, en Landmannalaugar og litskrúðugu rýólítfjöllin þar í kring, eru innan þess svæðis. En það eru fleiri eldstöðvar sem koma við sögu á Landmannaafrétti og er líka fjallað um þau: Heklukerfið og sérstaklega Bárðarbungukerfið (Veiðivatnasvæðið).
Tindfjallajökulskerfið og Kötlukerfið eru málinu heldur ekki óviðkomandi. Alls er fjallað um 26 eldstöðvakerfi á Íslandi.

Ari Tausti Guðmundsson og
Pétur Þorleifsson, 1999.
Fólk á fjöllum. Gönguleiðir á 101 tind.

Karlrembusjónarmiðið að komast uppá er hér gegnumgangandi.

Ansi skemmtileg bók, finnst mér. Leiðunum er lýst með orðum, erfiðleikaskölum og landakortum og vega- og tímalengdir eru áætlaðar.
Brennisteinsalda, Löðmundur, Valahnúkar og Hekla fá umfjöllun. Ekki má taka bók þessa of alvarlega. T.d. er ekki lýst bestu leiðinni upp á Löðmund og farið er vitlaust með örnefni (Skálin er orðin að Sveinsgili).

Austurleið SBS, 2003. Sumar-Summer-Sommer 2003. Ferðaáætlun.
Timetable Bustours.
Zeittabelle Bus-Fahrplan.

Austurleið SBS er með einu áætlunarferðirnar inn á Fjallabakssvæðið (suðursvæðið líka) Ókeypis ferðaáætlun sýnir þessar og allar hinar leiðir fyrirtækisins ásamt tímatöflum og smávegis leiðarlýsingum. Verðskrá er í bæklingnum.

Austurleið SBS has the only scedual bustours on the area (also at the southern part of this mountain area). A free timetable brochure shows those routes (and the rest of that companies routes) togeather with a brief tour-description. The price lists are there too.

Austurleið SBS bietet den einzigen regelmässigen Verbindungen zu dieser Umgebung (und auch zum südlicheren Teil dieses Berggebietes). Diese und sonstige Reisen dieser Firma sind mit Zeittabellen, Bus- Fahrplänen und Kurzbeschreibungen geschildert. Die Preislisten sind auch drin.

Árbækur Ferðafélags Íslands 1940, 1945 og 1976

Auk þeirra greina sem vitnað er í á öðrum stöðum í lista þessum (í árbókum 1933, 1952 og 1988), þá er í þessum árbókum að finna lýsingu á nálægustu svæðunum. Árbók 1940 fjallar um Veiðivötn, 1945 um Heklu og 1976 um Fjallabaksleið syðri.

Bragi Sigurjónsson (ritstjóri), 1983. Göngur og réttir, fyrsta bindi

Það er ekki skrítið þó að 47 af blaðsíðum þessarar bókar fjalli um Landmannaafrétt, hann er svo mikið svæði að smala og voru (eru) fjallferðirnar hápunktur ársins hjá mörgum.
Lesningin er skemmtilegust fyrir smalana sjálfa eða aðra sem eru vel að sér í staðháttum, því þarna er talað mikið um örnefni og legu lands. Ítarlegasti kaflinn fjallar um fjallferðir og réttir á fyrri hluta 20. aldar en styttri kafli er um fyrirkomulagið eftir 1962.
Nokkrar sögur af seinni leitum og lýsingar á hrakningum fylgja með. Kaflahöfundar eru Guðmundur Árnason og Guðlaugur Tr. Karlsson.

Conseil pour la Protection de la Nature, 1985. La Réserve Naturelle de Fjallabak.

C´est le seul material du cette suject produse en Islande en francais. Avec la nouvelle production en ans 2002 la version en francais est tombe! Marveilleus hein? Mais dans le magasin en Landmannalaugar il reste quelques exemplars.

Eiríkur St. Eiríksson, 2002.
Stangveiðihandbókin 1, veiðiár og veiðivötn á Íslandi.

Þessi fyrsta bók í seríunni fjallar m.a. um vötnin á Fjallabakssvæðinu, hvernig fiskur er í þeim og hver sé veiðivon. Enn eru þetta glænýjar upplýsingar en hlutirnir eru fljótir að breytast í þessum bransa.

Freysteinn Sigurðsson, 1988. Fold og vötn að Fjallabaki.
Árbók Ferðafélags Íslands 1988.

Fréttabréf Ferðafélags Íslands.

Vilji maður fylgjast með mannvirkjaframkvæmdum í Landmannalaugum og Hrafntinnuskeri, þá birtast nýjustu fréttir um það í fréttabréfunum.

Gísli Már Gíslason (ritstjóri), 1994. Jeppar á fjöllum. Handbók hálendisfarans.

Notadrjúg handbók.
Þar er fjallað um útbúnað bæði manna og bíla, sögu hálendisferða, náttúruvernd og skipulag, óbyggðaskála og sæluhús, félagshópa og samtök, akstur við erfiðar aðstæður (í snjó, sandbleytu, engu skyggni o.s.frv.), skyndihjálp og viðbrögð við hættum, veðrið og áhrif þess, landmælingar og landakort og heilmikið um uppbyggingu, eiginleika og tegundir jeppa.
Meðal annars er fjallað um skírsluna um Fjallabakssvæðið (stefnumörkun í byggingar-og skipulagsmálum)

Guðjón Ó. Magnússon, 1985. Gönguleiðir að Fjallabaki.
Fræðslurit Ferðafélags Íslands I.

Ekkert rit, að undanskildum friðlandsbæklingi Náttúruverndarráðs, fjallar jafn hreint og klárt um Fjallabakssvæðið og þetta hér. Hérna er kjöt á beinunum, þó bókin sé lítil, létt og vasavæn.

Sjálfur skrifar höfundur ágæta kafla um jarðfræði og sögu svæðisins og svo fær hann til liðs við sig aðra höfunda til að fjalla um önnur málefni.
Bestu gróðurlýsingu sem ég hef fundið um Landmannalaugar er í kafla í þessu hefti eftir Eyþór Einarsson (ég hef reyndar grun um að kafli hans um lífríki svæðisins ætli að keppa við boðorðin tíu um lífseiglu. Hlutar hans ganga aftur í gömlum og nýjum bæklingum Náttúruverndarinnar og í skýrslu Samráðsnefndar um friðland að Fjallabaki um stefnumarkanir ýmsar).

En fyrst og fremst er þetta göngubæklingur og gefur Guðjón mörg og góð ráð bæði varðandi undirbúning og útbúnað og um gönguleiðirnar sjálfar.
Þar eru líka einföld kort. En þessari góðu bók eru takmörk sett. Í fyrsta lagi er hún frá því 1985 og síðan hefur ýmislegt breyst í heiminum.
Í öðru lagi er einkum gefinn gaumur að nærumhverfi útgefanda hennar, sem er Ferðafélag Íslands.

Eðlilega þarf einhversstaðar að draga mörkin, ef bókin á að vera lítil og létt, en með þessu vil ég bara segja að hún er ekki tæmandi rit um þá nær óþrjótandi möguleika sem Landmannaafréttur býður upp á í náttúruskoðun og gönguferðum.

Guðmundur Árnason, 1929. Örnefni á Landmannaafrétti.
Árbók fornleifafélagsins 1929

12 blaðsíðna ferð um afréttinn (beggja vegna Tungnaár) þar sem talin eru upp örnefni. Legu lands er lýst og mikið vitnað í höfuðáttirnar en sparlega farið með annan fróðleik, nema í þeim tilfellum (ekki mörgum) þar sem reynt er að útskýra hvernig staðið gæti á hinum eða þessum nafngiftum.

Guðmundur Páll Ólafsson, 2000. Hálendið í náttúru Íslands.

Eitt flottasta og fróðlegasta verk allra tíma um hálendið, en vissulega ekki til þess fallið að hafa með sér á ferðalögum. Það er meira lagt upp úr því að lýsa lands- og lífheildum, heldur en að taka staði sérstaklega fyrir. Heilmikið má samt fræðast um Fjallabakssvæðið/Landmannaafrétt, því þar er flestar tegundir hálendislandslags og -lífs að finna.

Heimur, 2003. Á ferð um Ísland 2003.

Yfirgripsmesti ókeypis ferðabæklingur um Ísland. Kaflinn um Fjallabak er fjarri því að vera tæmandi en er betri en ekkert. Bent er á nokkra þjónustuaðila og farið fáum orðum um ferðalög í óbyggðum.

Heimur, 2003. Around Iceland 2003.

This is THE Iceland-brochure and it´s free. The wole country in 200 pages doesn´t give each spot much space. So is it with the Fjallabak area. But some phonenumbers and very brief descriptions you can find there.

Heimur, 2003. Rund um Island 2003.

Dies ist der ausführlichste kostenlose Reiseführer in Island. Wo so viel gibt, gibt es auch von jedem wenig. Die Auskünfte über das Fjallabak-gebiet reichen kaum um eine Vorstellung zu bilden. Einige Fakten über Dienstleistungen und Hochlandfahrerei kann man lesen.

Helgi M. Sigurðsson, 2002. Vatnsaflsvirkjanir á Íslandi.

Tölulegar upplýsingar, saga, ljósmyndir og kort um vatnsaflsvirkjanir á Íslandi sem tengdar eru almenningsrafveitum, þ.á m. um þær virkjanir sem eru á jöðrum Landmannaafréttar, í Tungnaá og Þjórsá. Skírt og aðgengilegt.

Hjálmar R. Bárðarson, 1986. Fuglar Íslands.

Ég hef ekki enn fundið neitt rit sem fjallar eingöngu um fuglana á Fjallabakssvæðinu, en í þessari bók fer umfjöllun um fugla eftir tegundum lands. Það eru til fleiri tegundir fugla á nefndu svæði en þeir sem taldir eru til í kaflanum um hálendið.

Hægt er að skoða fuglakaflann á heimasíðu þessari og nota svo efnisatriðaskrá þessarar eða einhverrar annarrar fuglabókar til að fræðast nánar um viðkomandi fugl.

Hjálmar R. Bárðarson, 1999. Íslenskur gróður.

Ég hef ekki enn fundið neitt rit sem fjallar eingöngu um gróðurinn á Fjallabakssvæðinu, en í þessari bók fer umfjöllun um gróður eftir tegundum lands.

Kaflinn um fjallagróður segir þó ekki alla söguna. Ég vil líka benda á kaflana um fléttur og mosa, mela og sanda, snjódældir og um votlendi. Í raun er landslagið á Landmannaafrétti og nágrenni svo fjölbreytilegt að flestar tegundir gróðursvæða finnast þar einhversstaðar.

Upptalning á gróðurtegundum í Landmannalaugum er í hefti Ferðafélagsins um gönguleiðir að Fjallabaki, stýrt af Guðjóni Ó. Magnússyni og ritað af Eyþóri Einarssyni. Þá upptalningu má svo bera saman við "Íslenska flóru" með litmyndum, eftir Ágúst H. Bjarnason og Eggert Pétursson.

Hlynur Óskarsson, 1987. Friðland að Fjallabaki. Úttekt á ástandi þess og áhrifum ferðamennsku.

Ingólfur Einarsson, 1979. Landmannaafréttur.
Sunnlenskar Byggðir V, bls 140-147. Búnaðarsamband SuðurlandsV, 1987.

6 blaðsíðna samantekt á svæðinu, einkum um legu þess, örnefni og sögu. Þetta er sjónarhorn heimamanns. Sagan fjallar einkum um smalamennsku og landlýsingin að miklu leiti um það hversu gróið eða gróðurvana landið sé.

Kjartan P. Sigurðsson,1999. Íslenskir ofurjeppar á fjöllum -
Icelandic Super Jeep Safari.

Kristján Sæmundsson, 1988. Jarðfræðiþáttur um Torfajökulsöræfi. Árbók Ferðafélags Íslands 1988.

Leifur Þorsteinsson og Guðjón Ó. Magnússon, 2002. Laugavegurinn. Gönguleiðin milli Landmannalauga og Þórsmerkur. Fræðslurit Ferðafélags Íslands 11. Leifur-Gudjon-Laugavegur

Dæmigert göngumanns gagn: lítið og létt rit sem fer vel í vasa og inniheldur kort, þó ekki séu þau nákvæm. Hagnýtar upplýsingar um vega- og tímalengdir.
Meginatriði um undirbúning ferðar og nokkur fróðleikskorn um umhverfið, þó varla græði sagnfræðingar, jarðfræðingar og líffræðingar mikið á þeim.

Leifur Þorsteinsson og Guðjón Ó. Magnússon, 2002. The Laugavegur Hiking Trail. Fræðslurit Ferðafélags Íslands.

This is a description of Icelands most popular hiking trail and some shorter trails connected to it. About one third of it lies within the area described on this homesite

It´s a mixture of practical informations for the walker (distances, equipments etc.) and some brief descriptions of the surroundings. Small and light for the pocket. Rough maps demonstrate the trails.

Nature Conservation Agency, 1985. Fjallabak Nature Reserve.

This is unfortunately not more available, but there has been made a new one, with less quality. If you are so lucky, still to have this "Fjallabak in a nutshell"-brochure, please notice, that some informations are altered, exspecially the one about the campground at Sólvangur. There is no camping allowed there anymore.

Nature Conservation Agency, 2002. Fjallabak Nature Reserve.

This is one out of few literatures available in english about the Fjallabak-area (published in Iceland). It´s a typical "-in a nutshell"-booklett, but unfortunately some informations have not been renewed since 1985 (changes in animal-life and geological thesis). The pictueres are nice but the maps are bad. Don´t use them.

Náttúruvernd ríkisins, 2002. Friðland að Fjallabaki.

Þessi bæklingur er endurútgáfa bæklings sem Náttúruverndarráð gaf út árið 1985. Lesmálið var stytt nokkuð en það gleymdist að mestu leyti að gá hvort eitthvað hafi breyst.

Titillinn á stofnuninni er annar og sem betur fer er ekki lengur gert ráð fyrir tjöldun á Sólvangi. Áhersla á góða umgengni hefur, góðu heilli, verið aukin, en að öðru leiti er þessi nýji bæklingur frekar úreltur.

Flottar ljósmyndir, sumar með takmarkað og /eða villandi heimildagildi, hafa tekið við miklu af hinu litla plássi. Textinn í þeim gamla myndaði betri heild.

Kortin fá sína umfjöllun í kaflanum um kort, en ef ekki væri þeirra vegna, þá væri þessi bæklingur líklega besti kosturinn fyrir þá sem vilja fá hraðsoðnar upplýsingar um svæðið.

Náttúruverndarráð, 1985. Friðland að Fjallabaki.

Þó að þessi litli bæklingur sé kominn við aldur, er hann líklega notadrýgsta, samaþjappaða upplýsingarit sem gert hefur verið um svæðið (sjá þó umfjöllun um "Gönguleiðir að Fjallabaki").

Eftir því sem pláss leyfir, er gefin upp mynd í grófum dráttum um jarðfræði, veðurfar, lífríki (gróður, fiska og fugla) auk þess sem tæpt er á sögu landnytja (búfjárbeit og göngur, silungsveiðar og ferðamennska) Minnst er á samgöngur, friðlýsinguna og umgengnisreglur.

Að vissu marki er þessi bæklingur fyrirmynd að heimasíðu þessari. Hann er nú óvíða að finna eftir að nýji bæklingurinn kom út. Þeim sem eiga hann er bent á að sumt er orðið úrelt, og þá einkum upplýsingar um tjaldstæði við Sólvang. Þar má ekki lengur tjalda. Helmingur bæklingsins er kort, en um það er fjallað í kaflanum um kort.

bakka

Ómar Smári Kristinsson, 2000.
Hegðun í akstri á hálendi Íslands.

Þó þetta rit fjalli ekki sérstaklega um Fjallabakssvæðið, þá er það svæði minn reynsluheimur og nær allt sem í heftinu stendur, á við um það.

Þetta er hálfgerður áróðurspési, þar sem ég er að reyna að benda á það sem betur má fara í hálendisumferðinni og vara við þeim fjölmörgu hættum sem þar leynast.
Ég reyni að höfða til almennrar skynsemi og siðferðiskenndar og með teikningum kannski aðeins til húmorsins.
Þetta rit fékkst hvergi útgefið, en þeir sem vilja kynnast því, geta skoðað það í Landmannalaugum á sumrin , haft samband við höfunda þessarar heimasíðu eða sækja það sem Word-skjal hér.

93kb 72kb

blind

Páll Ásgeir Ásgeirsson, 1994. Gönguleiðir.

Páll Ásgeir Ásgeirsson, 2001. Hálendishandbókin - ökuleiðir, gönguleiðir og áfangastaðir á hálendi Íslands.

Svo yfirgripsmikið verk sem titillinn lofar, tekst ágætlega miðað við að þetta skuli að mestu vera eins manns verk.

Það er samt ekki alveg villulaust. Það á engu að síður erindi til þeirra sem eru að uppgötva hálendið. Mikið af efni bókarinnar fjallar um leiðirnar á Fjallabakssvæðinu og allt í kringum það. Ég, innlyksa á Landmannaafrétti, hef notað hana til að víkka út sjóndeildarhring minn.

Páll Ásgeir er greinilega jeppadellukall, eins og svo margir aðrir, og er sjónarhorn hans, úr bílstjórasætinu, eflaust gagnlegur og skiljanlegur mörgum. En hann hefur líka gengið víða og eru kaflabrot hans um gönguleiðir ekkert verri en sambærilegir textar í gönguferðabókum. Myndefnið er soldið pirrandi, að mínu mati: alltof mikill magentalitur og jeppadýrkun, landakortin eru í of litlum litaskala (auk þess að vera ekki nákvæm) og ekki er gerður greinarmunur á auðveldum og erfiðum leiðum. Til þess þarf að lesa textann.

Páll Jónsson, 1952. Sæluhúsið í Landmannalaugum. Árbók Ferðafélags Íslands 1952.

Stutt sögulegt yfirlit um það sem í titlinum felst (um forvera núverandi skála), auk smá umhverfislýsingar.

Pálmi Hannesson, 1933. Leiðir að Fjallabaki. Árbók Ferðafélags Íslands 1933.

Skemmtileg og fróðleg lesning um íslenskan túrista fyrir 70 árum. Hann fór ríðandi milli byggða og lýsir ferð sinni á rúmum 50 blaðsíðum. Þar koma fram bæði hans eigin upplifanir og ýmis þekkingarbrot.

Eftirfarandi textabrot gefur e.t.v. hugmynd um stílinn:
"Hana, þar urðum við aftur heimspekilegir. Slíkt er ekki nema mannlegt á Landmannaleið. En við skulum nú halda áfram, því að Hánípufit bíður eftir okkur, skammt framundan, og þar er nóg gras og vatn eins og í Hebron."
Eftir erilssaman dag á landsins fjölfarnasta hálendisstað, getur verið gaman að lesa svona ferðasögu um sönn öræfi.

Der Reichsnaturschutz, 1985. Naturschutzgebiet Fjallabak.

Eine nutzliche Kurzfassung der Themen Naturschutzgebiet Fjallabak, Geologie, Klima, Vegetation, Leben in Seen und Flüssen, Vögel und ein kurzes geschichtliches Überblick. Auf der anderen Seite befindet sich eine Landkarte.

Diese Ausgabe ist leider Vergriffen, aber im Laden in Landmannalaugar befinden sich die lezten Eksemplaren. Einige Ausgaben sind schon veraltert, z.B. was den Kampingdienst an Sólvangur betrifft. Dort ist jezt das Zeltaufbauen verboten.

Eine neue Version dieser Brochure erschien im Jahr 2002, aber leider von schlechterer Qualität.

Der Reichsnaturschutz, 2002. Naturschutzgebiet Fjallabak.

Eine nutzliche Kurzfassung der Themen Naturschutzgebiet Fjallabak, Geologie, Klima, Vegetation, Leben in Seen und Flüssen, Vögel, Anfahrt, Bergwanderungen und Verhaltensregeln.

Manche Informationen sind schon etwas veraltert. Der Text is im Grunde genommen noch kürzer als im alten Broschure aber dafür gibt es jetzt schöne Farbbilder.

Die Landkarten sind von schlechter Qualität und sollten nicht verwendet werden.

Sabine Barth und Páll Ásgeir Ásgeirsson, 2002. Vier Wanderrouten in Island

Samráðsnefnd um Friðland að Fjallabaki og Skipulag Ríkisins, 1994. Fjallabakssvæðið, stefnumörkun í byggingar- og skipulagsmálum 1993-2003.

Titillinn segir til um innihaldið. Þetta verk fjallar um mannanna verk og hagsmuni og reynt er að hafa yfirsýn og skipulag á hlutunum. Almenn staðháttalýsing fylgir með (að hluta til sú sama og í bæklingi Náttúruverndarinnar um friðlandið og í "Gönguleiðum að Fjallabaki").

Þessar upplýsingar eru margar hverjar orðnar úreltar (eða náðu aldrei fram að ganga, sbr. sorglega bjartsýnan kafla um fræðslumál) en verið er að vinna að nýrri svona skýrslu.

Fjallabakssvæðið sem hér er til umfjöllunar teygir sig lengra til suðurs en það sem fjallað er um á þessari heimasíðu. Þetta er ekki bara Landmannaafréttur.

Í þessari skýrslu er ítarlegar fjallað um svæðið en í skýrslu Umhverfisráðuneytis og Skipulagsstofununar um miðhálendið.

Trausti Valsson, 2000. Vegakerfið og ferðamálin

Bók stútfull af spennandi pælingum og kortum (stundum kannski tengdara teikniborðum en veruleika) um vegakerfið og ferðamálin. Margar þessara hugmynda lúta að hálendinu og þó að Sprengisandur sé höfundi hugleiknastur, þá snertir það mál einnig samgöngur á Fjallabakssvæðinu .

Umhverfisráðuneytið og Skipulagsstofnun, 1999. Miðhálendi Íslands. Svæðisskipulag 2015. Greinargerð.

Yfirgripsmesta rit í heimi, þar sem fjallað er um allar tegundir skipulags og stjórnsýslu á hálendinu.
Því er skipt upp í svæði á skýringarkortum.
Þar er hægt að bera Fjallabakssvæðið saman við aðra hálendisstaði. Sem dæmi má nefna hagsmunaárekstra orkuvinnslu og náttúruverndar, takmarkanir á beitarnotum vegna jarðvegsrofs, rannsóknir á gróðurfari, mat á fjölbreytni og sérstæðni náttúrufars, umferðarþunga jeppa og dreifingu ferðamanna, jarðhita, vatnsorku, þjóðminjasvæði, gróður, vötn, fuglalíf, jarðmyndun, landslag.

Síðan er skýrslunni skipt upp í lesmálskafla, eftir sýslum. Rangárvallasýslukaflinn fjallar eðlilega að stórum hluta um Fjallabakssvæðið. Til að gefa hugmynd um fjölbreytni umfjöllunarefnisins, þá birti ég hér heiti yfirkaflanna (sem flestir hafa fjölda undirkafla): Megindrættir í landnotkun, verndarflokkar, hefðbundnar nytjar og landgræðsla, orkuvinnsla, samgöngur, ferðamál, byggingarmál.

Eins og gefur að skilja, þá er ekki mikið pláss fyrir smáatriði og fagurfræðilegar vangaveltur í svona greinargerð. Það er kannski ekki heldur í skýrslu Samráðsnefndar um Friðland að Fjallabaki og Skipulags ríkisins, en hún er þó ítarlegri um Fjallabakssvæðið (og úreltari).

Páll Ásgeir Ásgeirsson, 2004. Hálendishandbókin - ökuleiðir, gönguleiðir og áfangastaðir á hálendi Íslands.
Pall asgeir

Þetta er endurútgáfa af bók Páls Ásgeirs frá 2001. Eitthvað er búið að fækka villum og bæta myndgæði og myndefnið er ekki alveg eins mikið af jeppum að keyra yfir ár. En aðal breytingin felst í uppsetningunni á lesefninu. Þar er leiðum fylgt á mjög hnitmiðaðan hátt og skýr tákn notuð eftir því hverskonar vegi er lýst eða hvort fjallað er um gönguleiðir eða ákveðna staði. Geisladiskur fylgir með. Þetta er ekki gallalaus bók, fremur en búast má við af svo umfangsmiklu eins manns verki en lifandi stíll hennar og fræðandi texti hefur margoft kveikt hjá mé ferðaþrá. Samt get ég ekki stillt mig um að hneykslast á því að höfundur, sem gefur sig út fyrir að vilja vernda íslenska náttúru, skuli birta mynd af jeppum sem hafa hringspólað freklega á sandi, gagnrýnislaust, sem hverja aðra ferðalagsmynd.

Ari Trausti Guðmundsson og Pétur Þorleifsson, 2004. Íslensk fjöll - gönguleiðir á 151 tind.

Þetta er lítið annað en endurútgáfa með 50 fjalla viðbót á bók þeirra félaga frá 1999, "Fólk á fjöllum - gönguleiðir á 101 tind". Rauðufossafjöll og Háskerðingur bætast við Brennisteinsöldu, Heklu, Löðmund og Valahnúka, sem fjallað var um í fyrri bókinni. Þegar ég ber saman þekkingu mína á þessum fjöllum og gönguleiðalýsinguna í bókinni, þá ætla ég ekki að nota þessa bók þegar ég fer að ganga á hin fjöllin.

Jón Gauti Jónsson, 2004. Gengið um óbyggðir - Handbók fyrir útivistarfólk
Jon Gauti

Loksins, samankominn á einn stað allur helsti sá fróðleikur sem labbarar á fjöllum þurfa að vita. Tveir ungir menn dánir með stuttu millibili í nágrenni Landmannalauga, alveg að óþörfu - hvað er annað hægt en að fagna þessu riti. Það er satt sem Jón Gauti skrifar, að ekki séu allir sammála um allt í fjallamennskunni, en það sem að mér snýr, leikmanni í faginu, þá er hér skrifað af almennri skynsemi. Til að auka á breiddina og sjónarhornin, þá hefur Jón Gauti fengið nokkra fagmenn til að skrifa kafla í bókinni. Eins og gengur með vel skipulagðar bækur, þá segir efniyfirlitið mikið um það sem væntir lesandans. Kaflarnir heita: Í ferðahugleiðingum, Hverju skal klæðast, Útbúnaður í bakpokanum, Líkamlegur grunnur, Fjallaeldhúsið, Þverun straumvatna, Álag óhöpp og ofkæling, Þak yfir höfuðið, dagur á göngu, Veðurlag á fjöllum, Að rata rétta leið og Vetrarferðir og aðrir ferðamátar. Ekki er fjallað neitt sérstaklega um Landmannalaugar eða Landmannaafrétt í bókinni en eins og gengur, þá slæðast nokkrar myndir með af því fallaga svæði (ég er með á einni þeirra).


Nína Ivanova & Ómar Smári Kristinsson © 2003—2011		last updated - 01.10.2011